શ્યામ રંગ સમીપે ન જાવું મારે

શ્યામ રંગ સમીપે ન જાવું મારે આજ થકી શ્યામ રંગ સમીપે ન જાવું !

જેમાં કાળાશ તે સૌ એક સરખું; સર્વમાં કપટ હશે આવું? મારે૦

કરતુરીની બિંદી કરું નહિ, કાજળ ન આંખમાં અંજાવું ! મારે૦

કોકિલાનો શબ્દ સુણું નહિ, કાગવાણી શુકનમાં ન લાવું ! મારે૦

નીલાંબર કાળી કંચુકી ના પે’રું, જમુનાના નીરમાં ના ન્હાવું ! મારે૦

મર્કટ, મણિ ને મેઘ દૃષ્ટે ના જોવાં, જાંબુ, વંત્યાક ને ખાવું ! મારે૦

‘દયા’ના પ્રીતમ સાથે મુખે નેમ લીધો,પણ મન કહે પલ ના નિભાવું ! મારે૦

Shyam rang samipe n javu mare