રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
શું જાણે ભક્તિ વનચર વગડાનાં રે વાસી?
પાસે જઈને પ્રમોદીએ, તો નિશ્ચે જાયે નાસી રે,
સાધુ પુરુષનો સંગ ન કીધો, આપોઆપ ઉદાસી... શું જાણે૦
રઘવાયાં શાં વનમાં ભમતાં, ભૂંડી વાતો ભાસી રે,
ક્યાંથી આવ્યાં? ક્યાં જાવું છે? જોયું નહીં તપાસી... શું જાણે૦
આત્મદૃષ્ટિનો મર્મ ન જાણ્યો, હરિ વિના થઈ હાંસી રે,
કહે ‘કલ્યાણ’ રઘુનાથ ભજન મેં, ઘટમાં ગંગા કાશી... શું જાણે૦
સ્રોત
- પુસ્તક : પરિચિત પદસંગ્રહ (પૃષ્ઠ ક્રમાંક 68)
- પ્રકાશક : સસ્તું સાહિત્યવર્ધક કાર્યાલય, અમદાવાદ
- વર્ષ : 1946
- આવૃત્તિ : 3