શામળિયા સ્નેહી રે

શામળિયા સ્નેહી રે

શામળિયા સ્નેહી રે, અમ ઘેર આવજો રે કહું મારા મનડા કેરી વાત

મોગરાની માળા રે, લટકતી લાવજો રે રણિયા જુઓ વીતી ગઈ છે રાત

શામળિયા સ્નેહી રે...

કોડ તો કૃષ્ણજી રે, કામિનીના પૂરવા રે આવો ને તમે સભા મધ્યે રે મહારાજ

મહેતાજીને રે, મંડલિક મારશે રે લક્ષ્મીવર જાશે તમારી રે લાજ.

શામળિયા સ્નેહી રે...

હાર ન આવ્યો રે, અતિ હળવાં પડ્યાં રે, તમને કેમ ગમે છે નાથ?

વિનંતી કરીને રે, કા'ન તમને કહું રે, બૂડતાનો આવી ઝાલો હાથ.

શામળિયા સ્નેહી રે...

પ્રીતલડી બંધાણી રે, પ્રભુ તમથી ઘણી રે બીજા કોની કરીએ આસ?

વેળા તો વીતી છે રે, જાગી જુઓ જાદવા રે આસનથી ઊઠો શ્રી અવિનાશ.

શામળિયા સ્નેહી રે...

વિલંબ કર્યાથી વાત વણશી જશે રે પ્રીતમજી પધારોને આ વાર

‘રતનીબાઈ' કહે છે રે, મોહનજી માનીએ રે હરિ તમે નોંધારાના રે આધાર.

શામળિયા સ્નેહી રે...

Shamaliya snehi re