સૌથી સમરથ રાધાવરનો આશરો, જેના જનને દૂભવી શકે નહિ કેઈ જો;

જમનું જોર ન ચાલે દોષ કરે કદા, ક્ષમા કરે કે હરિ ચાહે તે હોય જો. સૌથી૦

દેવ બીજા સૌ મોટા હરિના હુકમથી, સુર, બ્રહ્મા, શિવ-શક્તિ, શેષ, મહેશ જો;

કેશવ આગે બળ કેાઈનું ચાલે નહિ, દેવ સૌ રૂઠે હરિજન ડરે ન લેશ જો. સૌથી૦

જૂઠો હરિનો ભગત જગતમાં થઈ ફરે, એવાનું પણ માધવ રાખે માન જો;

બા'નું પિતાનું જોઈ પાળે બિરદને, જેમ જડ પુરોહિતને પોષે યજમાન જો. સૌથી૦

માયા કાળ તણો ભય કેાઈથી નવ ટળે, અભય અચળ કરવા સમરથ નહિ કેાઈ જો;

વિના એક શ્રી હરિવર-ગિરધરલાલછજી, સે'જ શરણ જાતામાં સન્મુખ જોઈ જો. સૌથી૦

એવા કરુણાનિધિ સમરથ શ્રી નાથજી, દાસ ‘દયા’ના પ્રીતમ પ્રાણાધાર જો;

એને મૂકી અન્ય તણો આશ્રય કરે, તે નિર્ભાગી મૂરખને સરદાર જો ! સૌથી૦