સતના બેલી! હાલો જામૈયે જઈએ

અડસઠ તીરથ જઈએને

ગંગા જમના ન્હાઈએ...

સતના બેલી...

પહેલો પહેલો જગન રચિયો પ્રેહલાદરાય,

કુંજર દોરીને ઊભા ધણીને દરબાર

સોના કેરો કળશ ને સોના કેરો પાટ

વરોંધ્યો વરોંધ્યો કુંજર ધણીને દરબાર

પાંચ પાંચ કરોડે કોળી-પાવળ વરતાય

બીજ ધરમ ક્રિયા હોય ન્યાં મળિયા

કુંજર ઊઠીને સિંહલદ્વીપમાં ભળિયા...

સતના બેલી!...

બીજો બીજો જગન રચિયો હરિશ્ચંદ્રરાય,

રેવત દોરીને ઊભા ધણીને દરબાર

રૂપા કેરો કળશ ને રૂપા કેરો પાટ

રૂપાને સિંગાસણ બેઠા નકળંગ રાય

વરોંધ્યો વરોંધ્યો રેવત ધણીને દરબાર

સાત કરોડે કોળી-પાવળ વરતાય

બીજ ધર્મ ક્રિયા હોય ન્યાં મળિયા

રેવત ઊઠીને સૂરજ રથમાં ભળિયા...

સતના બેલી!...

ત્રીજો ત્રીજો જગન રચિયો યુધિષ્ઠિરરાય,

કવલી દોરીને ઊભા ધણીને દરબાર

તાંબા કેરો કળશ ને તાંબા કેરો પાટ

તાંબાને સિંગાસણ બેઠા નકળંગીરાય

વરોંધી વરોંધી કવલી ધણીને દરબાર

નવ નવ કરોડે કોળી-પાવળ વરતાય

બીજ ધરમ ક્રિયા હોય ન્યાં મળિયા

કવલી ઊઠીને કદળીવનમાં ચરિયાં...

સતના બેલી!...

ચોથો ચોયો જગન રચિયો બળિરાય,

અજિયા દોરીને ઊભા ધણીને દરબાર

માટી કેરો કળશ ને માટી કેરો પાટ

માટીને સિંગાસણ બેઠા નકળંગીરાધ

વરોંધી વરોંધી અજિયા ધણી કેરે દ્વાર

બાર કરોડે કોળી-પાવળ વરતાય

ઊઠી ગઈ ગત્ય ને પડી છે અજિયાય

એડાં એડાં વચન મારા કળજુગનાં પરમાણ

બોલ્યા ‘મેઘ ધારુ’ મારા ગુરુને પરણામ...

સતના બેલી!...