રેખ્તા
હિન્દવી
સૂફીનામા
રાજસ્થાની
સદા સુખિયા જગતમાં સંત
દુરિજન સદા દુઃખિયા રે
ના આવે જેને અકળામણનો અંત
મૂરખ મનના મુખિયા રે !
રુએ રાત ને દી ઓલ્યા રાંક, ભૂખે મન ભટકે રે,
વડો પૂરવ જનમનો વાંક, આજ ખરેખરો ખટકે રે...
તાલેવરને નાણાનો સંતાપ, ધખના એને ધનની રે,
મારાં નાણાંનો થઈ જાય નાશ, ઝૂરે ઈ તો ઝાઝું રે...
સુવાસણને ધણીનો સંતાપ, હુકમ એને દાડી રે
તો વિધવાનાં પૂરણ પાપ, ઉંમર ઓશિયાળી રે...
વણ પરણેલા મનમાં મૂંઝાય, ફોગટ જેવા ફરીએ રે,
તો પરણેલા પૂરણ પસ્તાય, હવે કેમ કરીએ રે!...
જેને પ્રપંચ ઉપર ઝાઝી છે પ્રીત, ઝૂરે ઈ ઝાઝું રે,
'ઋષિરાજ'ની છે આ શીખ, સમજે તેને સુખ સાચું રે...
સ્રોત
- પુસ્તક : સુણ શબદ કહે જો સંત-ફકીર (પૃષ્ઠ ક્રમાંક 22)
- સંપાદક : ફારૂક શાહ
- પ્રકાશક : ભરાડ ફાઉન્ડેશન, રાજકોટ
- વર્ષ : 2009
- આવૃત્તિ : 1