સમરને શ્રીહરિ, મેલ ભમતા પરી

સમરને શ્રીહરિ, મેલ ભમતા પરી, જોને વિચારીને મૂળ તારું;

તું અલ્યા કોણ ને કેાને વળગી રહ્યો, વગર સમજે કહે મારું મારું. - સ૦

દેહ તારી નથી, જો તું જુગતે કરી, રાખતાં નવ રહે નિશ્ચે જાયે;

દેહ સંબંધ તજે, નવનવા બહુ થશે, પુત્ર કલત્ર (૧) પરિવાર વહાયે. (૨) – સ૦

ધનતણું ધ્યાન તું, અહોનિશ આદરે, એ જ તારે અંતરાય મોટી;

પાસે છે પિયુ અલ્યા, કેમ ગયો વીસરી હાથથી બાજી ગઈ થયો રે ખોટી. - સ૦

ભરનિદ્રા ભર્યો, રંધી (૩) ઘેર્યો ઘણો, સંતના શબ્દ સુણી કાં ન જાગે;

ન જાગતાં ‘નરસૈયા’, લાજ છે અતિ ઘણી, જનમોજનમ તારી ખાંત ભાગે. - સ૦

Samarne Shreehari mel bhamta pari