રેખ્તા
હિન્દવી
સૂફીનામા
રાજસ્થાની
સાધુ વિચારી શબ્દે ચાલો
Sadhu vichari shabde chalo
હરિસાહેબ
હરિસાહેબ
સાધુ વિચારી શબ્દે ચાલો, આગળ કર્મના નહિ અડે,
નુરતે-સુરતે સ્મરણ કરી લે, ગગન મંડળમાં નિશાન ગડે... સાધુ૦
મૂળ બાંધો સુષુમણા સાધો, દૃઢ રાખો મન એક ઘડે,
પ્રેમ નિશાની નિશ્ચય પકડો, ચડનારા તો એમ જ ચડે... સાધુ૦
દિલ દરિયામાં ડૂબકી દેના, મરજીવાને મોજ મળે,
સાધુ સંતની સેવા કરો તો, અમર વસ્તુ એમ જડે... સાધુ૦
શબ્દે શૂરા પ્રેમે પૂરા, ખરી વેળાએ એ કેમ ખડે?
‘હરિદાસ’ ખમ્યાના ચરણે, ગોતી લ્યો તો ગુરુદેવ મળે... સાધુ૦
સ્રોત
- પુસ્તક : મેરી નજરે મોતી આયા (પૃષ્ઠ ક્રમાંક 173)
- સંપાદક : સ્વામી હરિદાસ ભારતી
- પ્રકાશક : ઓશો પ્રેમકમલ ધ્યાન કેન્દ્ર
- વર્ષ : 2005