સાધુ તારો સંગડો ન છોડું મેરે લાલ

સાધુ તારો સંગડો ન છોડું મેરે લાલ,

લાલ મારા દિલમાં લાગી વેરાગી જી....સાધુ તારો સંગડો.

કપડાં બી ધોયાં સંતો, અંચલા બી ધોયા,

જબ લગ મનવો ન ધોયો મેરે લાલ,

લાલ મારા દિલમાં લાગી વેરાગી જી...સાધુ તારો સંગડો.

દિલમાં લાગી સંતો, જોયું મેં જાગી હે જી,

ખેલતાં માળે ઘેરી, ગગન ગાજે મેરે લાલ,

લાલ મારા દિલમાં લાગી વેરાગી જી...સાધુ તારો સંગડો.

વસ્તીમાં રે'ના સંતો, માગીને ખાના જી

ટુકડે મેં ટુકડા કરી દેના મેરે લાલ,

લાલ મારા દિલમાં લાગી વેરાગી જી.. સાધુ તારો સંગડો.

હે...જી કૂડી રે આ કાયા સંતો, એમાં

માનસરોવર હંસો ઝીલન આયો લાલ,

લાલ મારા દિલમાં લાગી વેરાગી જી...સાધુ તારો સંગડો.

ત્રિકમ સાહેબ ગુરુ ખીમને ચરણે,

હે...જી સંત મળ્યા છે સોહાગી મેરે લાલ,

લાલ મારા દિલમાં લાગી વેરાગી જી...સાધુ તારો સંગડો.

sadhu taro sangado na chhodu mere lal