વારી વારી જાઉં રે મારા નાથના નેણાં ઉપર વારી ઘોળી જાઉં રે;

વારી વારી જાઉં રે મારા નાથના નેણાં ઉપર વારી ઘોળી જાઉં રે;

વારી વારી જાઉં રે મારા નાથના નેણાં ઉપર.

ઘેર ગંગા ને ગોમતી મારે, શીદ રેવાજી જાવું રે;

અડસઠ તીરથ મારા ઘરને આંગણે, નત તરવેણી ના’વું રે. વારી૦

શીદને કરું એકાદશી, શીદ ત્રીજે ટંક ખાઉં રે;

નાથ મારાનાં નેણાં નીરખી, હું તો પ્રેમનાં ભોજન પાઉં રે. વારી૦

શામળાકારણે સેજ બિછાવું, પ્રેમથી પાવન થાઉં રે;

નાચ નાચું મારા નાથની આગળ, વ્રજ થકી બોલાવું રે. વારી૦

દાસી જીવણ સંત ભીમને ચરણે, હેતે હરિગુણ ગાઉં રે;

સતગુરુને ચરણે જાતાં પ્રેમે પાવન થાઉં રે. વારી૦

wari wari jaun re mara nathna nenan upar wari gholi jaun re;