રેખ્તા
હિન્દવી
સૂફીનામા
રાજસ્થાની
મેળવ એને
melav aene
મોરારજી મથુરાંદાસ કામદાર
મોરારજી મથુરાંદાસ કામદાર
ડગલે ને પગલે વ્હાલા!
અણલખિઉં વાતું તારીઉં,
વાંચણહારો છે અમોલ,
વ્હાલા! મેળવ એને.
રાત અન્ધારી વ્હાલા!
વસમ્યું છે વાટું એનીઉં;
દીવડો દેખા ડ,
જોવા જાવું એને.
તારું ને મારું કરતાં,
વીત્યો દી આખો વ્હાલા!
આથમશે એણી પેર,
જાશે જમડો ઝાલી.
આભલિયો આવ્યો માથે,
વણખેડ્યું ખેતર મ્હારું;
વહી જશે વ્હાલીડાના
વ્હાલ, ખેડું ખાલી જાશે.
આપેં ઊઠીને વ્હાલા,
આજે ઉગારે તું તો;
આવીને અટક્યો આણી પેર,
આંટીઉં અવળ્યું ઝાલી.
સ્રોત
- પુસ્તક : તંબૂરાનો તાર (પૃષ્ઠ ક્રમાંક 43)
- સર્જક : મોરારજી મથુરાંદાસ કામદાર
- પ્રકાશક : પોતે
- વર્ષ : 1937