રેખ્તા
હિન્દવી
સૂફીનામા
રાજસ્થાની
રમે છે આતમરામ ઘટ ઘટ, રમે છે આતમ રામ,
આપ તખત પર આપ નિરંજન, નકી એ દરસે તેજ,
અખંડ અભંગી આવે ને જાવે, અવિનાશી પ્રગટે સેજ.
ભ્રમર ગુફામાં ભેર જ વાગે, તે સમજે ગુરુગમ સાને,
મહેરમ મેાતી મારું જ આપે, શબદ હૈ પવને પ્રગટે પાણી.
જેમાં રાત દિવસ ન ભાસે નહિ પૃથ્વી સમાન,
પવન પાણી નિગમ નહિ જેમાં, તે તો દીસે ઉનમુનિ ધ્યાન.
શબ્દ રણુંકાર સાને સમજાયે, અનહદ તેજ અપાર,
જળમળ જળમળ જ્યોત્યું પ્રગટ હૈ, નીરખો પુરુષ દેદાર.
જે નર સતગુરુ ચરણે પોંચ્યા, તેની મિટ ગઈ ચારે ખાણ,
'દાસ ડુંગર' કહે તે તો પ્રલય પામે નહિ, તેની અલખની ફરે આણ.
સ્રોત
- પુસ્તક : સંત પરંપરા વિમર્શ (પૃષ્ઠ ક્રમાંક 78)
- સંપાદક : ડૉ. રાજેન્દ્રસિંહ રાયજાદા
- પ્રકાશક : પ્રવીણ પુસ્તક ભંડાર
- વર્ષ : 1989