રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પોથી વાંચે પ્રભુ નહિ મળે, ખોજો આપ-શરીર !
શબ્દ ગુરુના નવ છોડીએ, અવસર નહિ આવે ફિર... પોથી૦
આ રે અજવાળું ઘડી પલકનું, પછી અંધારી રાત,
ભેદું વિના ભીડ કોણ ભાંગશે, જીવને થાશે ઉત્પાત... પોથી૦
ધન-જોબન આપ્યું તુજને, જાણ્યા નહિ જુગદાધાર,
માયાને વળગી રહ્યો, અંતે થયો રે ખુવાર... પોથી૦
તીરથ-વ્રત કર્યે શું થાય, જાણ્યા નહિ જગનાથ,
કર્મનાં કષ્ટ ટળ્યાં નહિ, બહુવિધ જોયા ઘાટ... પોથી૦
નિરભે નગારાં જ્યારે વાગશે, થશે અનુભવ-જ્ઞાન,
કહે ‘ઉકો’ ગુરુગમ મળ્યે, થાશે કોટિ કલ્યાણ... પોથી૦
સ્રોત
- પુસ્તક : પરિચિત પદસંગ્રહ (પૃષ્ઠ ક્રમાંક 44)
- પ્રકાશક : સસ્તું સાહિત્યવર્ધક કાર્યાલય, અમદાવાદ
- વર્ષ : 1946
- આવૃત્તિ : 3