દુર્વાસા ઋષિએ ગોઠવી કીધી; માયા મેલી છે ગાળ

પાકવી આપો પાંડવો મારે, કરવું છે ફરાળ;

પાંડવો ઘેર આંબલો, ઊગ્યો આજ;

આંબલો ઊગ્યો આજ; રાખો તમે લક્ષ્મીના વર લાજ. - પાંડવો૦

થઉ કુણકની ગોઠલી ત્રીજી શેકી શાળ,

પકવી આપો પાંડવો મારે, કરવું છે ફરાળ. - પાંડવો૦

ત્રણ પહોરમાં તૈયાર કરોને, બ્રાહ્મણ માગે ભોગ,

ધર્મે આંબો રોપિયો, ને ધર્યા હરિના ધ્યાન,

સતને વિશે સમરિયા ને એને આંબલે આવ્યો મોર. - પાંડવો૦

અર્જુનને તો આધીન છે, નિત્ય ભણે નારાયણ,

સ્મરણ કીધું શામળાનું, એને આંબલે રાતાં પાન. - પાંડવો૦

ભીમસેનને ભાવ ઘણો ને, ઘેર પધાર્યા ગોર,

નવતેરી ત્યાં નોતરી, એની ખાખડનો ખડધન. - પાંડવો૦

દ્રૌપદીજી તો મહાસતી ને, લાંબી કાઢે લાજ,

કર જોડી ઊભા રહ્યા, ત્યાં ફળ પડ્યાં હજાર. - પાંડવો.

થાળ ભરી આંબો વેડ્યો, કરો ઋષિ ફરાળ,

હાથનો વેડે આંબલો, ફળ ન આવે મારે કામ. – પાંડવો૦

કુંતાજી તો મહાસતી ને, અલૌકિક અવતાર,

પાય લાગ્યાં એને પાંડનો, ત્યારે ફળ પડ્યાં હજાર. – પાંડવો૦

ઋષિ જમાડી રાજી રાજી ને, બીડલે વેચ્યાં પાન,

‘કલા’ના સ્વામી શામળા, એનાં સત્ય રાખ્યા ભગવાન. - પાંડવો૦