રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મન માયલાની ખબરું લાવે રે,
કોઈ કામ ક્રોધને હટાવે રે,
કોઈ એવા નૂરીજન1 નજરે આવે.
જ્ઞાની હોય સો જ્ઞાન બતાવે, રૂડા ભરમના ભેદ બતાવે,
નામની તો રટણાયું રટી લ્યો, અંધિયારો મટી જાવે.
કોઈ એવા નૂરીજન નજરે આવે...
સંસાર સાગર મહાજળ ભરિયો, હરિજન વ્હાણ હંકારે,
એના માલમને પકડી વશ કરી લ્યો, પાર ઊતરી જાવે.
કોઈ એવા નૂરીજન નજરે આવે...
નિજ નામનાં નાંગળ નાખી, પવન–પુરુષ પધરાવેર,
અખંડ જ્યોતની અમર વાદળી, મોતીડાં વરસાવે,
કોઈ એવા નૂરીજન નજરે આવે...
સતની રોટી સબ સે મોટી, પ્યાસા હોય વો પાવે,
દોઈ કર જોડી ‘જેઠીરામ' બોલ્યા, સબ દુ:ખડા મટી જાવે.
કોઈ એવા નૂરીજન નજરે આવે...
સ્રોત
- પુસ્તક : સુણ શબદ કહે જો સંત-ફકીર (પૃષ્ઠ ક્રમાંક 33)
- સંપાદક : ફારૂક શાહ
- પ્રકાશક : ભરાડ ફાઉન્ડેશન, રાજકોટ
- વર્ષ : 2009
- આવૃત્તિ : 1