રેખ્તા
હિન્દવી
સૂફીનામા
રાજસ્થાની
નિવૃત્તિ પ્રવૃત્તિ પરખી એક, સંકલ્પ દૂર કરો.
જીવન મુક્તિ જાણી તમો, સંતોષ વરને વરો.
આ અવલ કવલની છે સાધના, તેનું સહેજે સમરણ કરજો,
અનાદિ વચન છે ગુરુદેવનું, તેનું ધ્યાન તમે તમારી નાભિમાં ધરજો... નિવૃત્તિ૦
એ પોતાના પુન્યના પારખાં, તે ગુપ્તદાન તમે દેજો,
આમાં શાંતિ તપ સોહંમ છે, તે તમારો આત્મા ઓળખી લેજો... નિવૃત્તિ૦
એ વૃક્ષ રૂપ એક જ છે, તેમાંથી આ ડુવાદશ પ્રગટિયા ડાળા,
અનુભવથી ઓળખો તો સોહંમપદ બાવન અક્ષરથી છે બારા... નિવૃત્તિ૦
એ દમ કદમના દોરમાં, નિરભેપદને તમે નિહાળો,
દશમાં સોહંમમાં સુરતા લગાવો તો, ઝરે અખંડિત ઝારો... નિવૃત્તિ૦
એ સતગુરુજીએ વચન સુણાવ્યો, જરાય નથી જૂઠો,
સત્સંગ રૂપી પાટી કરી, વચન વતરણેથી એક જ એકડો ઘૂંટો... નિવૃત્તિ૦
આ અનુભવી સ્કૂલ(?)માં, અભય વચન સતગુરુએ સુણાવ્યા,
દાસ ‘ઉગા’ને સતગુરુ હીરસાગર મળ્યા, આ દેહીમાં દર્શાવ્યા... નિવૃત્તિ૦
સ્રોત
- પુસ્તક : રાજયોગ વાણી (પૃષ્ઠ ક્રમાંક 99)
- સર્જક : રામજી હીરસાગર
- પ્રકાશક : રામજી હીરસાગર, તિલક પ્લોટ, શેરી નં. 2, કૃષ્ણ સિનેમા પાછળ, રાજકોટ - 360001