રેખ્તા
હિન્દવી
સૂફીનામા
રાજસ્થાની
તમે વિશવાસી નરને વેડ્યા માણારાજ રે !
નર નુગરા સે નેડલો ના કરીએ જી.
એ જી હંસલો ને બગલો બેઉ એક જ રંગા જી,
ઈ તો બેઠા સરોવર પાળે માણારાજ રે.
નર નુગરા સે નેડલો ના કરીએ જી.
એ જી હંસનો ચારો તો સાચાં મોતીનો જી,
ઓલ્યા બગલા ડહોળે કાદવ-ગારો માણારાજ રે.
નર નુગરા સે નેડલો ના કરીએ જી.
આજ મારા ધણી કેરો પાટ મંડાણો જી,
ઝળહળ જ્યોતું દરશાણી માણારાજ રે.
નર નુગરા સે નેડલો ના કરીએ જી.
એ જી ગુરુના પ્રતાપે 'સતી તોરલ' બોલિયા જી,
મારા સંતો અમરાપર મ્હાલે માણારાજ રે.
નર નુગરા સે નેડલો ના કરીએ જી.
સ્રોત
- પુસ્તક : નવનીત સમર્પણ : સપ્ટેમ્બર, ૨૦૧૩ (પૃષ્ઠ ક્રમાંક 7)