નર તન હૈ ભારી

નર તન હૈ ભારી

નર તન હૈ રે ભારી,

સમજ, મન! નર તન હૈ રે ભારી.

હાં બીજા જીવોથી સ્વતંત્ર શક્તિ શીદ દિયો છો વિસારી?

જનમો જનમ મૃત્યુ પામ્યો, પછે માનવદેહ ધારી... સમજ૦

એવું સમજી સતગુરુ ધારો, હરદમ જાત સંભારી,

તન મનથી સતગુરુજીને સેવો, છૂટો પાપ પોકારી... સમજ૦

તું કોણ? કોણ બોલનારો? કોણ છે જાત તારી?

પાંચ-પચીસને કરી રાખો, ગુરુગમ ગ્રહો વિચારી... સમજ૦

શ્વાસોશ્વાસે સાહેબ સમરો, ભ્રમણા ભાંગો ભારી,

નીજ નામ સે નેહ લગાવો, પિંડે પ્રેમ પ્રજાળી... સમજ૦

સાયરમાં જેમ સરિતા સમાણી, જલ તરંગ વિહારી,

'શીતળ' કહે પૂછો ગુરુને, મુગતિ કોણ બિચારી?

સમજ, મન! નર તન હૈ રે ભારી.

nar tan hai bhari