મોહનજી તમે મોરલા હું વારી રે..

મોહનજી ! તમે મોરલા, હું વારી રે,

કાંઈ અમો ઢળકતી ઢેલ, આશ તમારી રે...

જ્યાં જ્યાં ટહુકા તમે કરો, હું વારી રે,

ત્યાં અમ્મે તો માંડીએ કાન, આશ તમારી રે...

મોરપીંછ અમે મા'વજી ! હું વારી રે,

વ્હાલા ! વન વન વેર્યા કાંય ? આશ તમારી રે...

મોરલીએ મનડાં હર્યા, હું વારી રે,

વિસાર્યો ઘર-વહેવાર, આશ તમારી રે...

સંગ સદા લગી રાખજો, હું વારી રે,

'રાજે'ના રસિયા નાથ, આશ તમારી રે...

Mohanji tame morala hu vari re