મરી જાવું મનખો મેલી કરી રે

મરી જાવું મનખો મેલી કરી રે,

તું તો ભાવે ભજી લે શ્રીહરિ રે;

તુંને ભવમાં ભટકતાં આ દેહ મળી રે,

આવો અવસર નહિ આવે પાછો ફરી રે.

હરિની ભક્તિ વિના નર ભૂત છે રે,

જમ આવી અંતરિયાળ લૂંટશે રે;

સદાય રહેવું સંતોના સંગમાં રે,

હરિની ભક્તિ આવે તારા અંગમાં રે.

સંત સહેજે ભવસાગર તારશે રે,

એ તો અંતકાળના ઓધાર છે રે;

ગુરુગમે ‘ગેમલજી’ કહે જ્ઞાનમાં રે,

મન સમજ્યું સંતોની સાનમાં રે.

Mari javu mankho meli kari re