રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કાપડી બાવા
મારી જરા-મરણ ભે ભાંગે રે... મારા લખ ચોરાશી ફેરા ટાળે રે...
મુંને ઐસા મળે ગુરુ અમર આરાધી...
વ્હાલા મારા વનરા વનમાં તપીઓ તપસ્યા સાંધે,
જરા-મરણની એણે ખબર્યું નથી ઈ તો માયા મમતા માંગે હરિ...
મારી જરા-મરણ ભે ભાંગે૦
વ્હાલા મારા દેવી ને દેવતા પીર પેગંબર સર્વે મલીદા માંગે હરિ
મારી જરા-મરણ ભે ભાંગે૦
જમરાજા આવે એના જીવડાને લેવા પછે સરવે જુજવા ભાગે હરિ...
મારી જરા-મરણ ભે ભાંગે૦
વ્હાલા મારા તખત તરવેણીના મોલમાં નિયાં અનહદ વાજાં વાગે હરિ
અગમ ખડકી ખોલી દ્યો ઈમાં ઝલહલ જ્યોતું જાગે હરિ...
મારી જરા-મરણ ભે ભાંગી૦
વ્હાલા મારા સતગુરુજીની સાનમાં અમને કળજગ કડવો લાગે હરિ
દોઈ કર જોડી ‘બાવો કાપડી’ બોલ્યા મારો સતગુરુ પાર ઉતારે હરિ...
મારી જરા-મરણ ભે ભાંગે રે૦
સ્રોત
- પુસ્તક : સતની સરવાણી (પૃષ્ઠ ક્રમાંક 39)
- સંપાદક : નિરંજન રાજ્યગુરુ
- પ્રકાશક : આર. આર. શેઠની કંપની, ફુવારા સામે, ગાંધી રોડ, અમદાવાદ - 380001
- વર્ષ : 2000
- આવૃત્તિ : 1