મનવા જપી લે ને જી નામ

મનવા જપી લે ને જી નામ, પ્રેમે ઉર આણી રે,

એવા એક રૂગનાથ, સમરું સારંગપાણિ રે.

મનવા પુત્ર અને પરિવાર, સંજોગે સહુ મળિયા રે,

એવા વિયોગે વિયા જાય, સ્વારથના ભરિયા રે... મનવા૦

મનવા મારું કરી મા જાણ, આમાં શું છે તારું રે,

પંચભૂતનું રિયું રે શરીર, ઓઢે ઠાલી આરું રે... મનવા૦

કાયા માયાનો કૂડો સ્નેહ, કાચું કરિયાણું રે,

મનવા કરી લેને સતસંગ, સફળ જનમ તારો રે... મનવા૦

એમ કાપડી કહે 'વાલદાસ', ઉગરિયાનો આરો રે... મનવા૦

Manva Japi le ne ji nam