મન તું હાલસ મોંઘેરો થઈ

મન તું હાલસ મોંઘેરો થઈ,

ઘર તારું ગયું ને ઓસરી રઈ.

આતમ-સાધન આવડ્યું નહિ ને, વળગ્યો વિષયમાં જઈ,

સાધુ પુરુષનો સંગ ન કીધો, પછી મૂળગી મૂડી ગઈ... મન૦

અસતમાં મૂઓ જઈ અથડાણો, સાતમાં સમજ્યો નહિ,

કહ્યા વચનમાં કાન ન માંડે, રિયો કુબુદ્ધિમાં કાન દઈ... મન૦

પરમારથમાં પાછો પડે ને, સ્વારથમાં તો સહી,

અવિદ્યામાં રિયો ફરે ચોરાશી, જેમ ગાડાનું પઈ... મન૦

વારે વારે તને શું સમજાવું, માની લે અંતરમાં સઈ,

‘દાસ દયો’ કે’ તમે રાખો રદામાં, આતમ અનુભવ લઈ... મન૦

man tun halas monghero thaii