કરજો કરુણા ખરી

કરજો કરુણા ખરી

કરજો કરુણા ખરી કાયમદીન કરો કરુણા ખરી,

દુતિયો તે જાય ભરી કાયમદીન કરજો કરુણા ખરી.

મહેર કરી મન ડોલતું રાખ્યું રહું છું દિલ તો ધરી... કાયમદીન કરજો૦

પળ પળ સમરું પીર તમોને, ધ્યાન ધીરજ ધરી... કાયમદીન કરજો૦

સંભારતાં પીર સન્મુખ દીઠા પ્રીત પૂરવની કરી... કાયમદીન કરજો૦

પતીજ પડી તેથી પૂરણ પ્રગટિયા, સરિતા સાગરમાં ભળી... કાયમદીન કરજો૦

કારજ સીધ્યું જેણે જન્મ સુધાર્યો, દુતીઓ ગઈ છે મરી... કાયમદીન કરજો૦

સચરાચર વહાલો સઘળે ફરે છે, કોઈ વિરલો લેશે હરી... કાયમદીન કરજો૦

ધન ભાયગ જેને જ્ઞાન ગુરુનું, એક ચિત્તથી ધ્યાન ધરી... કાયમદીન કરજો૦

'સુલેમાન' પીર લાલ તમારા, ગુરુગમ કૂંચી જડી... કાયમદીન કરજો૦

karajo karuna khari