કંસ ! તારો વેરી, સાચા સંતોનો ઝવેરી રે,

જેલમાં જનમિયો રાજા કંસ ! તારો વેરી…૦

કાળી કાળી રાત અંધેરી, બે પુરે જમના ગહેરી,

વાસુદેવ ગોકુળ ચાલ્યા, કનૈયાને તેડી… રે…

- જેલમાં જનમિયો રાજા કંસ ! તારો વેરી…૦

જેલમાં જઈને કંસે, બેન દેવકીને કનેડી,

ઊડી ગઈ માયા રૂપી, વીજળી વેલેરી... રે...

- જેલમાં જનમિયો રાજા કંસ ! તારો વેરી…૦

ઝુલાવે જસોદા માડી, ઝૂલે નંદલાલો લહેરી,

આભેથી વરસાવે દેવત, ફુલડાં સોનેરી... રે...

- જેલમાં જનમિયો રાજા કંસ ! તારો વેરી…૦

માસીબાને ખોળે ખેલી, નાખ્યા છે ખંખેરી,

જમનામાં કૂદી કાનુડે, નાગ નાથ્યો ઝેરી... રે...

- જેલમાં જનમિયો રાજા કંસ ! તારો વેરી…૦

ઇન્દ્રનું અભિમાન ટાળ્યું, ગોવર્ધન હેરી,

અસૂરો અપાર માર્યા, લીલા છે અનેરી... રે...

- જેલમાં જનમિયો રાજા કંસ ! તારો વેરી…૦

સેવકના સંકટ ટાળ્યાં, જેની ભાવના ભલેરી,

પુરૂષોત્તમના પ્રભુએ નાખ્યો, કંસને વધેરી... રે....

- જેલમાં જનમિયો રાજા કંસ ! તારો વેરી....૦