કળિયુગનું કારણ આગળ એવું થશે રે

કળિયુગનું કારણ આગળ એવું થશે રે.

ગંગા, ગીતા ને ગાયત્રી, વણિક વિપ્ર ને ખરા જે ક્ષત્રી;

પ્રેમદા નહિ પવિત્રી, સત્ય સહુનાં જશે રે. કળિજુગનું૦

જતી, સતી, સંન્યાસી, જોગી, ભવમાં સહુ માયાના ભોગી;

રાય રંક ને રેગી વેરે સહુ વસે રે. કળિજુગનું૦

ઊંચ નીચ એકે આરે, ધાક ધણીની સ્ત્રી નહિ ધારે;

કોઈ કોઈ ન વારે હોનારું હશે રે. કળિજુગનું૦

પાખંડીને સરવે પૂજે, સાચાની સંગત નહિ સૂઝે;

ધરા અધર મેં ધ્રૂજે જે કંઈ જન કંપશે રે. કળિજુગનું૦

ભવમાં ચઢિયો જૂઠે ભામે, પંથ પ્રભુને એ નહિ પામે;

ગાયું ‘ગણપતરામે’ ફંદે શું ફસે રે? કળિજુગનું૦

kaliyug nu karan aagal evu thashe re