જીતીને કાં હાર્યો રે

જીતીને કાં હાર્યો રે, મૂરખ માનવી રે,

આવી રૂડી પામ્યો મનુષાદેહ;

દેવતાને દુર્લભ રે, તેહ તુંને કહાવિયું રે,

કરી લેની કમલાવર-શું નેહ. જીતીને કાં હાર્યો રે૦

આણી–આણી દેહે રે, હરિને તો પામીએ રે,

વામીએ જો અખિલ ભુવનનું સુખ;

ઓળખીને લેજો રે, હરો તારા હાથમાં રે,

મટશે જનમ-જનમનું દુઃખ. જીતીને કાં હાર્યો રે૦

દેવાળું શું કાઢ્યું રે, દેવે તારી દેહમાં રે?

ઉઘાડીને જોની રે કર્મ કમાડ;

મૂળ ગયે લાવે નહિ રે, ‘થોભણ’ થોભજો રે,

મટી જાશે માયા કેરું ઠાર. જીતીને કાં હાર્યો રે૦

Jitine ka haryo re