જનનાં સકળ કલ્યાણનો ભંડાર

જનનાં સકળ કલ્યાણનો ભંડાર હરિનું નામ છે,

કલિમલ તૃણોના ગંજમાં અંગાર હરિનું નામ છે.

પાવનતણું પાવન જગતમાં શ્રેય હરિનું નામ છે;

પંથે પરમ પદને જતાં પાથેય હરિનું નામ છે.

કવિવરોને વાણી તણો વિશ્રામ હરિનું નામ છે;

સંતો તણું જીવન પરમ સુખધામ હરિનું નામ છે.

સદ્ધર્મરૂપી વૃક્ષનું શુભ બીજ હરિનું નામ છે;

સંસારમાં સંજીવની-મૂળી જ હરિનું નામ છે.

દુર્લભ મનુષ્યા દેહ કેરો લ્હાવ હરિનું નામ છે;

ભવસિંધુ પાર તરી જવા દૃઢ નાવ હરિનું નામ છે.

આ તક્રસમ સંસારમાં નવનીત હરિનું નામ છે;

‘હરિદાસ’ને હૈયા તણું તાવીત હરિનું નામ છે.

Janana sakal kalyano bhandar