હરિને ભજતાં રે હો વારે

હરિને ભજતાં રે હો વારે, તેને લઈ ઘાલે યમને બારે.

પાપીડા પરલે રે હો થાશે, નિંદાના કરતલ નરકે જાશે;

દુરિજન લોકડાં રે હો દાઝે, વા’લો મારો ગોકુળિયામાં ગાજે. હરિ૦

હેતે ચિત્ત બાંધે રે હો હરિસે, તે કેમ પાછાં પગલાં ભરશે?

નાથ અમારો રે હો લાજે, શિર પર શામળિયો વર છાજે. હરિ૦

શિરને સાટે રે હો નવ મૂકું, અવસર આવ્યો તે કેમ ચૂકું?

તન ધન જાયે તો રે હો જાજો, ‘કેશવ’ હેતે હરિના ગુણ ગાજો. હરિ૦

Hari ne bhajna re ho vare