હરિ ભજ્યાનું ટાણું, આ છે રામ ભજ્યાનું ટાણું;

આ છે કૃષ્ણ ભજ્યાનું ટાણું :

ભૂલ્યા શીદ ભમો છો રે, આ છે હરિ ભજ્યાનું ટાણું.

હરતાં ને ફરતાં હરિ ન સમર્યાં, શું બેસે છે નાણું?

વહાલા શું બેસે છે નાણું?

સમીસાંજના સૂઈ રહ્યા છો, હમણાં વાશે વહાણું. ભૂલ્યા0

કાલે રે ઠાલે ભરીએ ભરીએ, માથા મોટું માણું;

વહાલા માયા મોટું માણું :

ઓચિંતો આવીને પકડશે, પડ્યું રહેશે કરિયાણું. ભૂલ્યા0

માથે આવ્યું નહિ મટે, વહાલા ઘૂંઘટમાં ઘેરાણું;

વહાલા ઘૂંઘટમાં ઘેરાણું :

બળ કરી બોલાશે નહિ, જ્યાં બેઠું જમનું થાણું. ભૂલ્યા0

દીધા વિના ક્યાંથી પામો? વહાલા એ વાતો હું જાણું;

વહાલા એ વાતો હું જાણું :

‘ગોવિંદરામ’ કહે અહીંયાં ન સમર્યા, ઉવાં નથી ઠેકાણું. ભૂલ્યા0