રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હંસ ગતિ વિચાર સાધુ, હંસ ગતિ વિચાર.
પ્રાણીજનમાં પરિપૂરણ રહે, પિંડ પિંડ વસનાર,
નસનસમાં રહે નિરધારા, રોમરોમમાં રમનાર... હંસ૦
ગગનમાં કરે ગૂંજારા, નાભિમાં છે નિસ્તાર,
હરદમ આવે હૃદય કમલમાં, ત્રિવેણીમાં રહેનાર... હંસ૦
દસે નાદના કરે નિવેડા, રાત-દિન ઊઠે રણુંકાર,
શ્વાસ ઉશ્વાસ રહે ભરપૂર, આવત જાવાત દીદાર... હંસ૦
‘કેશવ’ હંસ ગતિ જો પિછાને, ખેલે બાવનથી બહાર,
આ બોલે તે પ્રગટ બેઠો, જોઈ લેજો તમે જોનાર... હંસ૦
સ્રોત
- પુસ્તક : રાજયોગ વાણી (પૃષ્ઠ ક્રમાંક 117)
- સર્જક : રામજી હીરસાગર
- પ્રકાશક : રામજી હીરસાગર, તિલક પ્લોટ, શેરી નં. 2, કૃષ્ણ સિનેમા પાછળ, રાજકોટ - 360001