દુનિયામાં ડાહ્યો ડહા૫ણમાં - દુઃખ પામે

દુનિયામાં ડાહ્યો ડહા૫ણમાં - દુઃખ પામે;

ભવતારણ ભગવાન વિસારી, ચિડયો ઠાલે ભામે રે. દુનિયા૦

મનુષ્યદેહ મળ્યો અતિ મોંઘો, ખોટો જાણી ખોયો;

ચોરે-ચૌટે જૂઠું બોલ્યો, નાહક નીર વલોયો રે. દુનિયા૦

હરિ-હરિજનસંગે હેત ન કીધું, પીધું વિખનું પાણી;

સુખ સંસારી પામ્યા સારું, મૂઆ લગી ઘર તાણી રે. દુનિયા૦

હરખશોકની નદીઓ મોટી, તેમાં જાય તણાણો;

‘દેવાનંદ’ કહે હરિ ભજ્યો નહિ, ઘણે દુઃખે ઘેરાણો રે. દુનિયા૦

Duniyama dahyo dahapanma dukh pame