ધ્યાન હરિનું ધરિયે જોને

રામ નામ તું રટ રે પ્રાણી, અણી પૂરણ પ્રીત જોને,

કાચી કાયા કાચનો કૂપો, સ્વપ્ના સરખી રીત જોને.

નાના મોટા જન પરપોટા, ફૂલે ફૂટી જાય જોને,

એવા આ માયાના ઘાટો, ઊપજે ને વણસાય જોને.

સિંધુ સરખાં દીસે ભાસે, ઝાંઝવાનાં નીર જોને,

પીપાસા (૧) પીધે ના જાયે, કેશ ના હોય હીર જોને.

ગંદી કાયા ગર્વ ન કીજે, વણસતાં નહીં વાર જોને,

કાગ કીટ કે કુર્કટ ખાશે, અંતે થાશે છાર (૩) જોને.

તેહ તણું અભિમાન તજીને, ભાવે ભજીએ હરિને જોને,

‘પ્રીતમ’ પ્રેમે પાવન થઈયે, ધ્યાન હરિનું ધરિયે જોને.

Dhyan harinu dhariyre jone