રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
પરબુંવાળો પીર પાદશા, ધૂન ધણી મેં તો ધાર્યો,
ધૂન ધણી મેં ધાર્યો એનો પરગટ પરચો ભાળ્યો... પરબુંવાળો૦
આપ ન સૂઝે પથરા પૂજે, આંખડિયે અંધારો,
અંતર જ્યોતિ અળગી મેલી દીવડિયા કાં બાળો?... પરબુંવાળો૦
ધોરાજીમાં ધૂન મચાવી, ખૂબ બતાવ્યો ડારો,
અઢારે વરણ એક જ પ્યાલે, નૂરીજન નજરે નિહાળ્યો... પરબુંવાળો૦
‘ગંગેવ’ દાસી ચરણુંની પ્યાસી, નેનમાં નેન મિલાયો,
મેર કરી વાલો મંદિર પધાર્યા, હેતે હરિગુણ ગાયો... પરબુંવાળો૦
સ્રોત
- પુસ્તક : સતની સરવાણી (પૃષ્ઠ ક્રમાંક 51)
- સંપાદક : નિરંજન રાજ્યગુરુ
- પ્રકાશક : આર. આર. શેઠની કંપની, ફુવારા સામે, ગાંધી રોડ, અમદાવાદ-380001
- વર્ષ : 2000
- આવૃત્તિ : 1