રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
બ્રહ્મનો ભેદ જાણે જન અનુભવી, ભેદ જાણ્યા વિના ભ્રમણા ન જાવે,
ભ્રમણા ગયા વિના કરમ કહો કેમ ગળે, કર્મ ગયા વિના મરમ ન પાવે... બ્રહ્મ૦
મરમ લહ્યા વિના સંશયન ટળે, સંશય ટળ્યા વિના સર્વ કાચું,
કથની કથે અર્થ બહુ અનુભવે, રહેણી વિના પદ કેમ પામેં સાચું... બ્રહ્મ૦
સાચું સિદ્ધાંતનું રહસ્ય સમજે નહીં, ન સમજ્યે અરથ કશું ન સરે,
અનાત્મા સુઆત્માબુદ્ધિ જોએ, તેણે કરી વાસનાનું લિંગ ન ગળે... બ્રહ્મ૦
અણલિંગીને અનુભવી જાણજો, તેજ તત્ત્વદર્શી રહે જોઈ,
‘ગવરી’ આત્મા પરમાત્મા એક ભયે, દ્વૈતભાવ ન છોસે કોઈ... બ્રહ્મ૦
સ્રોત
- પુસ્તક : બૃહત્ કાવ્યદોહન-1 (પૃષ્ઠ ક્રમાંક 828)
- સંપાદક : ઈચ્છારામ સૂર્યરામ દેસાઈ
- પ્રકાશક : ‘ગુજરાતી’ પ્રિન્ટિંગ પ્રેસ સિરીઝ, મુંબઈ
- વર્ષ : 1890
- આવૃત્તિ : 3