ભલે જન્મ્યા શ્રીગોકુલનાથ, ભક્તિ મારગ સ્થિર સ્થાપવાજી;

જી રે રાખવા વેદ મરજાદ, નિજ જનને સુખ આપવા જી.

જી રે વરત્યો જેજેકાર, બંદીજન બહુ જશ ભણે જી,

જી રે વાજિંત્ર વિવિધ પ્રકાર, શ્રીવિઠ્ઠલજીને બારણે જી.

જી રે રંગ મચ્યો સિંધદ્વાર; જુવતીનાં જૂથ મોહી રહ્યાં જી;

જી રે એ સુખ કહ્યાં નવ જાય, મોહનલાલને જોઈ રહ્યા જી.

જી રે આવે સકળ વ્રજનાર, વદન નિહાળવા વળી વળી જી;

જી રે ઉપન્યો છે અતિ ઘણો મોદ, મંગળ ગાયે મળી મળી જી.

જી રે નખશિખ રૂ૫ અનુ૫, અંગઅંગની છબી શું કહું જી;

જી રે ત્રિભુવનમોહન રૂપ, શોભાનો પાર તે નવ લહું જી.

જી રે જેજે શ્રીગોકુલનાથ, કલિયુગમાં કરુણા કરી જી;

જી રે દ્વિજરૂપે અવતાર, ભક્તની આરત મન ધરી જી.

જી રે આપણે સહિયર સાથ, સંસાર સઘળો વામિયાં જી;

જી રે વિઠ્ઠલજીનો લાલ, પૂરણ પ્રીતે પામિયાં જી.

જી રે આ છબી ઉપર આજ, તન મન ધન કરું વારણે જી;

જી રે નરખી મનોહર રૂપ, રૂપાંબાઈ જાયે વારણે જી.