રેખ્તા
હિન્દવી
સૂફીનામા
રાજસ્થાની
બેલીડા ઊઠો ઉતાવળા થઈ,
વાવણિયાં જોડો ખેતરમાં જઈ.
કરણીના કણ તમે લેજો મોંઘેરા, તન મન નાણાં દઈ,
ધરમ-કરમના ધોરી જોડી, વાવો અનુભવ ઓરણી લઈ... બેલીડા૦
અમર નામની ઓળું પાડો, કરો સુરતા સેઢા પર સઈ,
વાંક અંતરનો કાઢો વિવેકથી, ખોટનું ખાલું નહીં... બેલીડા૦
અનભેના અંકુર ઊગ્યા ખેતરમાં, ધીરજને ઢુંઢણે વઈ,
ફૂડ કપટનાં કાઢો પારેવડાં, મન રખવાળે રઈ... બેલીડા૦
પ્રેમના પોંખિયા લણજો પ્રીતેથી, ખબર ધણીને દઈ,
'દાસ દયો' કે’ એમ કીધી કમાઈ, તેની ભવની ભાવટ ગઈ... બેલીડા૦
સ્રોત
- પુસ્તક : કચ્છના સંતો અને કવિઓ : ભાગ ૨ (પૃષ્ઠ ક્રમાંક 294)
- સંપાદક : દુલેરાય કારાણી
- વર્ષ : 1964