અનુભવીને એકલું, આનંદમાં રહેવું રે

અનુભવીને એકલું, આનંદમાં રહેવું રે.

ભજવા પરિબ્રહ્મને બીજું કાંઈ ન કહેવું રે. અનુ૦

એક જ જાણી આત્મા કોઈને દુઃખન દેવું રે;

સુખદુઃખ આવે સહેજમાં તે તો સહીને રહેવું રે. અનુ૦

ઊર્મિને બીજી તૃષ્ણાથી, અળગું રહેવું રે;

સમદૃષ્ટિ સમતાને ગ્રહી, આ૫ ખોવું રે. અનુ૦

આદિ, અંત, મધ્ય, એકાદ્વૈત ભાસ્યું રે;

આત્માના ઉદય થકી અજ્ઞાન નાસ્યું રે. અનુ૦

વેદ જોયા, પુરાણ જોયાં, સરવે તપાસી;

રામના નામથી કોઈ ન મોટું, સંત ઉપાસી. અનુ૦

સદ્ગુરુને સેવતાં મારું મનડું મોહ્યું રે;

‘કૃષ્ણ’ કહે મહાપદમાં, એક ચિત્ત પ્રોયું રે. અનુ૦

ANubhavni ne eklu aanandma rahevu re