અનુભવીને એકલું, આનંદમાં રહેવું રે

અનુભવીને એકલું, આનંદમાં રહેવું રે;

ભજવા પરિબ્રહ્મને, બીજું કાંઈ ન કહેવું રે.

એક જ જાણી આત્મા, કોઈને દુઃખ ન દેવું રે;

સુખ દુઃખ આવે સહેજમાં, તે તો સહીને રહેવું રે. અનુ૦

ઊર્મિને બીજી તૃષ્ણાથી, અળગું રહેવું રે;

સમદૃષ્ટિ સમતાને ગ્રહી, આપ ખોવું રે. અનુ૦

આદિ અંત મધ્ય, એકાદ્વૈત ભાસ્યું રે;

આતમાના ઉદય થકી, અજ્ઞાન નાસ્યું રે. અનુ૦

વેદ જોયા પુરાણ જોયાં, સરવે તપાસી;

રામના નામથી કોઈ ન મોટું, સંત ઉપાસી. અનુ૦

સદગુરુને સેવતાં મારું, મનડું મોહ્યું રે;

‘કૃષ્ણ’ કહે મહાપદમાં, એક ચિત્ત પ્રોયું રે. અનુ૦

Anubhavni ne eklu aanand ma rahevu re