અમારામાં અવગુણ રે ગુરુજીમાં ગુણ તો ઘણા રે

અમારામાં અવગુણ રે ને ગુરુજીના ગુણ તો ઘણાં રે જી;

અમારા અવગુણ સામું મત જોજો રે...

ગુરુજી મારો દીવો રે‚ ગુરુજી મારો દેવતા રે જી;

ગુરુજી મારા પારસમણિને તોલ… અમારા અવગુણ૦

ગુરુ મારા ગંગા રે‚ ગુરુ મારા ગોમતી રે જી;

ગુરુ મારા કાશી ને રે કેદાર... અમારા અવગુણ૦

ગુરુજી મારા ત્રાપા રે‚ ગુરુજી મારા તુંબડાં રે જી;

ઈ તુંબડીએ ઊતરિયે ભવપાર... અમારા અવગુણ૦

જાલીડાં મેલાવો રે, ગુરુગમ જ્ઞાનનાં રે જી;

ઈ જાલીડાં જરણાં માહેલો જામ... અમારામ અવગુણ૦

ગુરુને પ્રતાપે દાસ ‘જીવણ’ બોલિયા રે જી;

દેજે અમને સંતચરણમાં વાસ... અમારા અવગુણ૦

amaraman awgun re gurujiman gun to ghana re