રેખ્તા
હિન્દવી
સૂફીનામા
રાજસ્થાની
આનંદમંગળ કરું આરતી
Aanand mangal karu aarti
પ્રીતમ
પ્રીતમ
આનંદમંગળ કરું આરતી, હરિગુરુ સંતની સેવા;
પ્રેમ કરી મંદિર પધરાવું, સુંદર સુખડાં લેવા. આનંદ૦
તીરથ સહુ સાધુને ચરણે, ગંગા જમુના રે'વા;
મહા મોટા સંત પતિતપાવન, સુખના સાગર જેવા. આનંદ૦
રત્નકુંભ ઘન વાજાં ભીતર, આનંદરૂપી એવા;
ત્રિભુવન તારણ ભક્ત ઉદ્ધારણ, મુહુરત અકળ અમેવા. આનંદ૦
અખંડજ્યોત ઘટબાજી અંતર, નિત્યનિરંતર એહવા;
કહે ‘પ્રીતમ’ ઓળખો અણસારે, હરિજન હરિના જેહવા. આનંદ૦
સ્રોત
- પુસ્તક : મધ્યકાલીન પદ સંચય (પૃષ્ઠ ક્રમાંક 98)
- સંપાદક : ચિમનલાલ ત્રિવેદી, રમણ સોની
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1998