આજનો માંડવડો મારો

આજનો માંડવડો મારો

આજનો માંડવડો મારો, મોગરડે છાંયો;

રાધાજીના સંગે વહાલો, રમવાને આયો. – આજનો૦

ગોફણીએ ઘુઘરડી ઘમકે, રેશમની દોરી;

શામળીઓ શામળો રંગે, રાધિકા ગોરી. – આજનો૦

દહીં દૂધ ને કરમલડો, માંહી સાકર ઘોળી;

માહારા વહાલાજી આરોગે, પીરસે ભમરભોળી. – આજનો૦

શોળે ને શણગાર સજ્યા સખી, ઓઢણ સાડી;

શ્રી વૃંદાવનમાં વિઠ્ઠલ સાથે, રમત માંડી. – આજનો૦

અખંડ હેવાતણ મારે, એ વર રૂડો;

‘નરસૈયા’ચા સ્વામીએ મુજને, પેહેરાવ્યો ચૂડો. – આજનો૦

Aajno Mandavado maro