આજ રે સ્વપનામાં હું તો વાણમાંહી બેઠી

આજ રે સ્વપનામાં હું તો, વાણમાંહી બેઠી, દ્વારિકા મેં દીઠી

ધરમ તણી ધ્વજા દીઠી, મંદિરમાં પેઠી.

બેટનાં તો તીરથ કીધાં, ગોમતીમાં નાહી;

ત્રિકમજીનાં ચરણામૃત, પીધાં તે વધાવી. આજ રે૦

આવી રૂડી પ્રભુ ભક્તિ, આગે નવ જાણી;

માયાના જંજાળમાંહી, વેવલા થૈ ગ્યા પ્રાણી. આજ રે૦

કરજેડીને ‘ફૂલીબાઈ’, કહે તારી દાસી;

ત્રિકમ તારા તેજમાંહી, રહી છું વિમાસી. આજ રે૦

Aaj re svpanama hu to vanmahi bethi