આજ મારાં નયણાં સફળ થયાં

આજ મારાં નેણાં રે સફળ થયાં, નાથ જોયાં મેં નીરખી,

સુંદર વદન નિહાળતાં, મારા હૃદયમાં હરખી. – આજ૦

જે મારા મનમાં હતું, તે વ્હાલાજીએ કીધું;

પ્રેમેથી પ્રભુજી પધાર્યા, આલિંગન દીધું. – આજ૦

જોગી રે જંગમરે સેવડા, તેના સ્વપ્નમાં ના આવે;

ભાગ ભલાં વ્રજનારનાં, હરિને લાડ લડાવે. – આજ૦

ધન ધન ગોકુળ ગામડું, ધન ધન વ્રજનો વાસ;

ધન ધન આ ભૂમિને, જ્યાં વ્હાલો રમિયા છે રાસ. – આજ૦

અંતરીક્ષથી દહુ દેવતા, ત્યાં જોવાને આવે;

થાળ ભર્યો સગ મોતિયે, નાગર ‘નરસી’ વધાવે. – આજ૦

Aaj mara nayana safal thya